Firmas ch'èn pertutgadas spezialmain ferm da la crisa da corona duajan survegnir pli spert ulteriur agid finanzial. Il Cussegl federal veglia introducir il reglament per cas da direzza sin il 1. da december. Quai ha il minister d'economia, Guy Parmelin, ditg en la Samstagsrundschau da radio SRF.
I va qua surtut per las branschas che pateschan il pli ferm da la crisa da corona e ch'èn periclitads en lur existenza, sco organisaturs d'occurenzas, la branscha da viadis ubain commerziants da fiera.
Quai muntia dentant era, che la consultaziun saja be curta e ch'ils chantuns stoppian a medem temp sa preparar. Oriundamain aveva il Cussegl federal numnà il prim da favrer sco termin per introducir il reglament per cas gravants, pli tard lura il prim da schaner.
