La cumissiun d'anti-tortura da l'ONU ha crititgà la Svizra pervia dals chastis per tortura, sco crim da guerra e cunter l'umanitad. Quels sajan memia bass en Svizra.
Il rapportader da la cumissiun d'anti-tortura da l'ONU ha menziunà a la delegaziun svizra ch'ils chastis per tortura en il num dad in crim cunter l'umanitad sajan be tschintg onns e quels en connex cun il crim da guerra be trais onns. «Quests chastis paran fitg bass per crims d'uschè ina grondezza.», ha ditg l'American ed ha dumandà: «Tge signal dain nus uschia vinavant?»
Il rapportader beneventa però che la Svizra ha stgaffì in'instituziun naziunala per ils dretgs umans. Quella aveva il comité da l'ONU ed ils stadis commembers gia pretendì daditg. El ha dentant ditg che la summa dad ina milliun francs per onn saja memia pauc.
