Siglir tar il cuntegn

Header

video
Leu: «Nus avain survegnì propostas sco megliurar la situaziun en Svizra.»
Or da News-Clip dals 27.01.2023.
laschar ir. Durada: 1 minuta 9 Secundas.
cuntegn

Cussegl dals dretgs umans Svizra replitgà a crititga avant l'ONU

La secretaria dal stadi Livia Leu ha prendi posiziun avant l'ONU. Ella sez di, la situaziun dals dretgs umans en Svizra saja «relativamain buna». Las mesiras cunter Corona hajan dentant il privel da rinforzar l'inegualitad.

Pliras uras ha la represchentanta da la Svizra stuì tedlar las renfatschas d'auters pajais. Quai è la critica:

  • Rassissem: plirs pajais pretendan in plan d'acziun cunter racial profiling, quai vul dir che la polizia suspecta ed intercurescha persunas pervia da lur pajais d'origin
  • Disparitad da pajas: i dovra mesiras per che dunnas fadian medem bler sco umens sch'ellas occupan la medema plazza
  • Plinavant èn tscherts pajais inquietads pervia dal tractament da persunas en fugia, praschuniers e carstgauns cun impediments, e la Russia tema discriminaziun da Russas e Russ en Svizra

La secretaria dal stadi di ch'ins possia da ver far dapli per che persunas pertutgadas da rassissem chattan agid. I dettia dentant gia in plan d'acziun cunter la disparitad da pajas.

L'inegualitad en il pajais creschia dentant, cunzunt dapi la pandemia da corona. Las mesiras «drasticas» hajan mussa ch'i dettia privels per ils pli flaivels da la societad.

La Svizra è vegnida ludada per avair in'instituziun naziunala da dretgs umans (cumenza il matg 2023 da lavurar). Dentant hai er la dà critica, quell'instituziun n'haja effectivamain betg avunda daners per realisar ses mandat.

RTR Novitads 17:00

Artitgels legids il pli savens

Scrollar a sanestra Scrollar a dretga