Uss è il termin per la surpigliada da las bancas grondas fixà: La conclusiun da la cumpra da la Credit Suisse entras l'UBS vegn fatga ils 12 da zercladur. Quai ha l'UBS communitgà glindesdi. En quest mument vegnia la Credit Suisse Group SA ad ir en la UBS Group SA.
L'execuziun stat sut la resalva che la surveglianza da la bursa americana SEC dat il consentiment. Quella stoppia approvar la decleranza da registraziun da las aczias.
Cura che la transacziun vegn executada, vegnan las aczias da la Credit Suisse e da la American Depositary Shares (ADS) dequotadas da la bursa svizra SIX e da la New York Stock Exchange (NYSE). Duairs pendents da la CS pervi da lur obligaziuns daventan la responsabladad da la UBS.
audio
Per tadlar: curt e cumpact
ord RTR Audio dals 05.06.2023.
laschar ir. Durada: 1 minuta 4 Secundas.
