Per dumagnar la pandemia ha il Cussegl federal danovamain decis che la protecziun civila duai gidar. Ins haja decis ina terza mobilisaziun da quest gener ha communitgà il Cussegl federal. Motiv per questa decisiun è l'augment tar las infecziuns novas da corona e las ospitalisaziuns. Era las occupaziun en las staziuns intensivas èn puspè creschida las davosas emnas.
Custs maximals da 2,75 milliuns francs
Enfin ils 31 da mars duajan commembers da la protecziun civila sustegnair ils chantuns tranter auter tar il contact tracing e tar la campagna da vaccinar. Previs è in contingent maximal da 100'000 dis da servetsch la Confederaziun quinta cun custs maximals da 2,75 milliuns francs.
Quai è la terza giada dapi il cumenzament da la pandemia che la protecziun civila porscha agid. Co e nua che la protecziun civila vegn messa en acziun, decidan ils chantuns.
