La ministra da giustia Karin Keller-Sutter ed il minister da finanzas Ueli Maurer han avertì a Berna, ch’in Na da schlargiar la Frontex pudess muntar che la Svizra croda or dal sistem Schengen-Dublin.
Sche la Svizra na tutgia betg pli tar il spazi da Schengen, haja quai consequenzas gravantas per impedir criminalitad e per il sectur d’asil. Quests privels ha Ueli Maurer menziunà avant las medias a Berna.
Cunter augmentar la contribuziun finanziala a la Frontex, dad actual 24 milliuns francs annualmain sin 61 milliuns francs il 2027 – han circuls da la sanestrà prendì il referendum.
