Il cumin da Glaruna ha decidì che las trais vischnancas na vegnian betg obligadas d'introducir in parlament. Ina proposta correspundenta da la PS è vegnida refusada cleramain. Actualmain vegn en il chantun Glaruna surlavurada la lescha da vischnancas. La regenza vul pussibilitar a las vischnancas d'installar in parlament, na vul dentant betg obligar ellas tar quai pass. Davart la lescha correspundenta vegn votà al cumin en in onn, sco che l'agentura da novitads keystone-SDA rapporta.
Mitigiar discriminaziun da pèrs maridads
En il chantun Glaruna vegn la discriminaziun da pèrs maridads, en connex cun la taglia mitigiada, er quai ha decis il cumin. Uschia vegnian chasadas distgargiadas finanzialmain en media per 270 francs. Per il chantun Glaruna munta quai ina perdita da taglia da radund 2,9 milliuns francs l'onn. La proposta da la PPS, d'ina reducziun da taglia generala dad 1,5%,ha il cumin da Glaruna refusà.
Dapli daners per Glaruna Sid
Il cumin ha er decidì che la gulivaziun da las grevezzas a favur da la vischnanca Glaruna Sid vegn augmentada da 2 sind 3 milliuns francs. La Partida verd-liberala aveva prentendì che quest sustegn vegnia limità fin il 2027, il cumin ha refusà quai. Cun quai na datti nagin limit.
Or da l'archiv
Contribuziun dals Cuntrasts da l'onn 2000 davart il cumin da la Cadi.
