Siglir tar il cuntegn

Header

audio
Custs d'electricitad s'augmentan
Or da Actualitad dals 02.06.2022.
laschar ir. Durada: 2 minutas 46 Secundas.
cuntegn

Cumissiun per electricitad Augment dals custs d'energia il 2023

La cumissiun federala per l'electricitad spetga per il proxim onn in augment da custs tar il provediment da basa d’electricitad. Uschia ha la cumissiun communitgà a la conferenza annuala.

Ils pretschs sin il martgà per ils gestiunaris da la rait da distribuziun èn tranter auter creschids pervia da la guerra en l'Ucraina. Ils custs pli auts da cumpra vegnian probabel er dads vinavant a la clientella – vul dir a las chasadas. Quai resulta d'ina retschertga che la ElCom – la cumissiun federala per electricitad – ha fatg tar las interpresas d'electricitad svizras. Per ina chasada da tschintg stanzas che dovra 4'500 uras kilowatt pudess quai far or in'augment da 180 francs l'onn proxim.

Malsegirtad per l'enviern

La ElCom vegn plinavant a la conclusiun ch'i dat malsegirtads per il provediment durant l'enviern. In motiv è tenor la cumissiun las restricziuns tar l'energia atomara en Frantscha. In avantatg saja dentant che l'industria svizra dovria pli pauc energia pervia dals auts pretschs e che la Svizra haja avunda atgna energia atomara a disposiziun.

RTR novitads 12:00

Artitgels legids il pli savens

Scrollar a sanestra Scrollar a dretga