Per sviluppar pli svelt las energias regenerablas, vul la cumissiun per l’ambient, planisaziun dal territori ed energia dal Cussegl dals chantuns metter – sche necessari – sin il segund plaz la protecziun da l’ambient e da la cuntrada. Uschia vul la cumissiun temporarmain metter or da vigur tschertas disposiziuns da la lescha davart la protecziun da las auas. Uschia per exempel la regulaziun da la quantitad d'aua restanta per renovaziuns da concessiuns. Plinavant duai esser pussaivel da construir novs implants per producir electricitad en biotops dad impurtanza naziunala. Per quai vul la cumissiun abolir la protecziun da quels.
Ecologists ed ecologistas crititgeschan questas propostas. Ils verds han communitgà che la cumissiun saboteschia la midada energetica.
