Di er il parlament GEA, po vegnir fatg il referendum encunter. Oriundamain avess il conclus er cumpiglià la cumpra da rachetas per la defensiun cunter aviuns. Il pachet vess gì in volumen da 8 milliardas francs.
Amherd ha tadlà sin l'anteriur astronaut
La nova ministra da defensiun Viola Amherd ha però midà quests plans. Uschia ha ella suandà il cussegl da l’anteriur astronaut Claude Nicollier. Quel aveva scusseglià la varianta dad 8 milliardas francs cun l’argument ch'il cumbat da votaziun per la cumpra da l’aviun nov vegnia gia ad esser difficils.
Quatter candidats
La primavaira èsi vegnì fatg tests cun quatter candidats d'aviuns pussaivels. En la cursa per remplazzar l'aviun F/A-18 è l'aviun F-35 da Lockheed Martin, il F/A-18 Super Hornet da Boeing, il Rafale dal constructur franzos Dassault e l'Eurofighter dad Airbus. Il Gripen da Saab n'è betg pli en discussiun.
Il mument vegn preparà ina segunda runda d'offerta. Parallel tar quai sa cusseglia er il Parlament federal. Sch'i vess da dar il referendum pudess la votaziun esser l'atun u l'enviern da l'auter onn.
RR novitads 15:00