A Basilea èn sa radunadas oz suentermezdi passa 2000 persunas per demonstrar cunter las mesiras da corona da la confederziun e dals chantuns. La polizia ha lubì la manifestaziun. Cun applaus e givels han ils participants beneventà la gruppaziun «Freiheitstrychler», ch'è arrivada in zichel pli tard.
En il Kleinbasel è sinaquai sa furmada ina cunterdemonstraziun cun radund 200 participants e participantas. Las duas gruppas èn stadas ina visavi l'autra, dentant ha la polizia lura schlià la cunterdemonstraziun, che n'era betg lubida.
Demonstraziun era a Genevra
Er a Genevra han enturn 3'000 persunas demonstrà cunter il certificat da Covid e las restricziuns da las libertads. Sin lur gir tras la citad han ellas tranter auter pretendì ch'il cusseglier federal e minister da sanadad Alain Berset sa retiria. La demonstraziun lubida è stada paschaivla. Pliras persunas han appellà da renviar la lescha da Covid, sur la quala i vegn vuschà ils 28 da november.
Ord l'achiv
A Cuira èn sa rimnadas radund 4'000 persunas ils 4-9-2021 sin la Quaderwiese per protestar cunter las mesiras da corona
