Siglir tar il cuntegn

Header

video
Gerhard Pfister PCD davart la nova iniziativa
Or da News-Clip dals 04.01.2020.
laschar ir
cuntegn

Cunter puniziun da maridaglia PCD planisescha ina nova iniziativa

Il presidi da la Partida cristiandemocratica svizra PCD ha decis da retrair l’iniziativa actuala davart la discriminaziun da pèrs maridads «Per lètg e famiglia – cunter puniziun da maridaglia» e lantschà ina nova, ina senza definiziun da maridaglia. Quai ha il president da la PCD Gerhard Pfister annunzia en ina intervista cun la «Tagesschau».

Nova iniziativa

La nova iniziativa duai cuntegnair sumegliantas pretensiuns sco la veglia. Numnadamain che pèrs dastgan esser dischavantagiads tar la taglia u tar l’AVS. Be che la nova iniziativa includa era partenadis registrads da omosexuals. La definiziun dispitaivla da la lètg sco cuminanza tranter um e dunna vul il presidi da la PCD dentant betg scriver en la nova iniziativa.

Pievel refusà l'onn 2016

L’iniziativa encunter la discriminaziun da la lètg aveva il pievel refusà il 2016. Il Tribunal federal ha annullà la votaziun perquai ch’il Cussegl federal aveva fatg indicaziuns sbagliadas davart la dimensiun dals dischavantatgs da pèrs maridads tar la taglia.

RTR novitads 17:00

Artitgels legids il pli savens

Scrollar a sanestra Scrollar a dretga