La politica da turissem è sa cumprovada. Perquai vul ins era per ils proxims 4 onns cuntinuar cun la strategia da fin qua, uschia ha ditg oz il minister d’economia Guy Parmelin. Quai munta da meglierar las cundiziuns da basa, sustegnair affars turistics, duvrar las schanzas da la digitalisaziun e rinforzar la marca «Svizra». Plinavant vul ins dar paisa ad in turissem persistent.
audio
Parmelin: «En spezial la politica da turissem duai daventar persistent»
ord RTR Audio dals 12.11.2021.
laschar ir. Durada: 15 Secundas.
Per exempel vulan ins che las persunas stattan pli ditg en Svizra e dovran dapli il traffic public. Quai promovia l'ecobilantscha. Finamira saja da posiziunar la Svizra sco leadra da persistenza.
