Il referendum cunter la donaziun d'organs senza consentiment explicit è reussì. Oz han iniziantas ed iniziants inoltrà quel a la Chanzlia federala. Passa 64'000 persunas han suttascrit
Fin ussa dastgavan ins prender organs da persunas mortas mo, sche quellas avevan dà lur consentiment cura ch'ellas vivevan. Il parlament avess vulì midar quella pratica e far or da mintga carstgaun in donatur d'organs sch'el n'ha betg fixà a scrit ch'el na veglia betg quai. Il referendum inoltrà vul impedir questa pratica.
La chanzlia federala controllescha uss las suttascripziuns. Sche silmain 50'000 èn valaivlas, vegn il suveran a decider davart il referendum ils 15 da matg.
Ord l'archiv
Tgi che na vul betg dar organs suenter sia mort, sto en l'avegnir communitgar quai gia ordavant. Il Cussegl dals chantuns aveva debatà il atun passà davart quel principi.
