L'istoricher svizzer Thomas Maissen crititgescha ferm il Cussegl federal. Rumper giu las contractivas davart ina cunvegna da basa cun l'UE saja bugliac e senza curaschi, ha ditg Maissen en in'intervista cun las gasettas da Tamedia.
Il Cussegl federal saja bugliac perquai ch'el guntgeschia il cumbat da la politica interna e n'haja betg vulì ristgar ina battaglia da votaziun, uschia Maissen. La regenza svizra haja sminà ch'ella avess pers ina tala votaziun. Quai na saja segiramain betg curaschus.