Il venderdi passà aveva il Cussegl federal dà glisch verda, per suttascriver la cunvegna trilaterala. Uss prepara il Cussegl federal in text da consultaziun, cun la dumonda per ratifitgar la cunvegna ed ils credits d’impegn necessaris. Fin il matg duai quel esser avant maun. La finala vegn lura il parlament a Berna a decider.
La Svizra na posseda nagin deposit da gas, ed è uschia dependenta dals pajais vischins. Tenor il Cussegl federal è la Svizra senza cunvegna en privel, ch'ils pajais vischins pudessan scursanir las furniziuns sch'il gas vegn stgars.
Suttascrit la cunvegna solidarica da gas per la Svizra, ha il minister d’energia Albert Rösti. Vitiers han suttascrit il vicechancelier tudestg Robert Habeck, ed il minister per l’ambient e l’energia talian Gilberto Pichetto Fratin.