Siglir tar il cuntegn

Header

cuntegn

Cunzunt gastronomia e viagiar Migros fa svieuta da record il 2022

La gruppa dal Migros ha fatg l’onn passà ina svieuta da record. Quella saja s’augmentada per bunamain 4% sin passa 30 milliardas francs, cumpareglià cun il 2021. Quai ha communitgà la gruppa.

  • Per exempel haja l’organisatur da viadis Hotelplan dublegià la svieuta sin 1,44 milliuns francs.
  • Bunamain dublegià ha la gastronomia lur svieuta sin 577 milliuns francs

Quai giascha cunzunt vi da la fin da las restricziuns per viagiar e per la gastronomia pervia da la pandemia. Dentant datti er en auters cas pli bler svieuta:

  • La chadaina da tancadis Migrol ha nudà in plus da 24%, pervia dals auts pretschs da carburants fossils.
  • La sparta da sanadad fa in plus da radund 20%: Quai cun Medbase e Movemi.
  • Il commerzi online crescha sur tut las spartas per 15% (p.ex. Digitec Galaxus).

Pli pauc svieuta hai dà en il commerzi en detagl. Quai saja stà da spetgar perquai che pli paucas persunas han cumprà en per cuschinar a chasa. Qua ed en martgads sozialidads sco Melectronics u Do it, hai dà in minus.

audio
Per tadlar: las novitads da las 10:00
ord RTR Audio dals 17.01.2023.
laschar ir. Durada: 2 minutas 34 Secundas.

RTR Novitads 10:00

Artitgels legids il pli savens