Il glindesdi è ina dunna da 31 onns viagiada cun sia figlia da tschintg onns da l'Äscher en direcziun Altenalp. Ellas èn alura tranter Weesen ed Altenalp crudadas d'ina spunda taissa giu. Quai ha communitgà la polizia chantunala da l’Appenzell Dadens il mardi. Daco che las duas èn sa disgraziadas vegnia anc examinà. Ins haja immediat cumenzà la tschertga ma la Rega haja be pudì chattar las baras.
Quai è gia il quart accident mortal en la medema regiun dal Alpstein. Gia ils 26 da zercladur ha ina dunna da 75 onns gì in accident mortal sut l’Äscher. Ils 18 da fanadur è ina dunna da 66 onns cupitgada mortalmain sin la medema senda ed in’ura pli tard è in um da 58 onns sa disgrazià sin la medema part dal trutg.
audio
Per tadlar: Las novitads da las 15:00
ord RTR Audio dals 02.08.2022.
laschar ir. Durada: 3 minutas.
