Siglir tar il cuntegn

Header

purtret d'António Horta-Osório.
Legenda: António Horta-Osório duai surpigliar il post dad Urs Rohner. Keystone
cuntegn

Cussegl d'administraziun CS António Horta-Osório duai daventar nov president

La banca gronda Credit Suisse propona il schef da Lloyds, António Horta-Osório sco president dal cussegl d'administraziun e successur dad Urs Rohner. A la proxima radunanza generala, l'avrigl vegn el proponì per il post.

In comité da tschertga dal cussegl d'administraziun haja examinà intginas persunalitads fitg qualifitgadas, hai num en ina communicaziun. Il Portugais da 56 onns maina dapi il mars 2011 la Lloyds Banking Group, la pli gronda banca da retail e fatschentas dal Reginavel Unì.

Sia carriera da banca ha cumenzà il 1987 tar Citigroup a Portugal, nua ch'el è daventà «Head Capital Makets». Dal 1991 fin il 1993 ha el lavurà a New York e Londra per Goldman Sachs en las fatschentas da «Corporate Finance». Il 1993 è el lura ì tar il Grupo Santander nua ch'el haja gì differentas posiziuns da manar. El haja bajegià si la fatschenta en differents pajais, cun success. Plinavant haja Hortà-Osório servì dal 2009 fin il 2011 al «Court of Directors» da la Bank of England.

purtret dad Urs Rohner
Legenda: Urs Rohner sto bandunar ses post, perquai ch'el ha cuntanschì il temp d'uffizi maximal da 12 onns. Keystone

Urs Rohner banduna ses post en il cussegl d'administraziun l'onn che vegn damai ch'el è stà 12 onns al timun, e quai è il maximum lubì sco temp en quest uffizi. Rohner è dapi il 2009 en il gremi e maina quel dapi il 2011.

audio
Per tadlar: Las novitads da las 09:00
02:08 min, RTR Audio dals 01.12.2020.
laschar ir. Durada: 02:08 minutas.

RTR novitads 08:00

Artitgels legids il pli savens

Scrollar a sanestra Scrollar a dretga