Per persunas estras che vulan cumprar in terren en Svizra na duain las obligaziuns per dumandar ina permissiun betg daventar pli severas. Da quest avis è la cumissiun giuridica dal Cussegl dals chantuns. Cun 9 cunter 3 vuschs refusescha la cumissiun ina revisiun da l'uschenumnada Lex Koller. Ussa va la fatschenta en il Cussegl dals chantuns.
En ina moziun aveva il Cussegl naziunal pretendì l'atun passà, ch'il Cussegl federal duai inoltrar al Parlament federal la revisiun da la Lex Koller. Quella aveva el sepulì il 2018 suenter critica massiva. Previs era en lezza ch'esters da pajais ordaifer l'UE e l'EFTA stoppian puspè dumandar ina lubientscha sch'els vulan cumprar immobiglias, e quai era sch'els abiteschan gia en Svizra.
Ord l'archiv
Per ina famiglia normala na saja quai strusch pli pussaivel da realisar il siemi dad in'atgna abitaziun u chasa. Uschia l'argumentaziun da la PPS, PS e Verdliberals. Ils adversaris d'ina revisiun èn da l'opiniun, ch'ils esters na sajan betg il problem. La raschun che dapli esters vivan e cumpran era immobiglias en Svizra saja che l'economia marschia bain
