Siglir tar il cuntegn

Header

cuntegn

Cussegl dals chantuns Cumissiun pretenda mesiras cunter la muria d'insect

Il parlament federal vul franar la muria d'insects. La cumissiun davart l'ambient dal Cussegl dals chantuns pretenda mesiras cunter la muria d'insects e propona d'approvar la moziun ord il Cussegl naziunal. Er il Cussegl federal vesa in basegn d'agir. Cun la moziun duai la regenza svizra survegnir l'incumbensa da garantir ils plans d'acziun biodiversitad, sanadad d'avieuls e pesticids. Vitiers duai dar studis che dian tge mesiras ch'èn da prender a curta, mesauna e lunga vista cunter la muria d'insects.

Cumpetenza tar pesticids sa mida

La procedura da lubir pesticids en Svizra vegn reorganisada, scriva il Cussegl federal. Davent da l'auter onn fa il post per lubir pesticids part da l'Uffizi federal da segirezza alimentara e fatgs veterinars. Actualmain è l'Uffizi federal d'agricultura responsabel per quai. La reorganisaziun duai augmentar la transparenza e rinforzar l'independenza dals uffizis d'admissiun.

RTR novitads 12:00

Artitgels legids il pli savens

Scrollar a sanestra Scrollar a dretga