Siglir tar il cuntegn

Header

cuntegn

Cussegl dals chantuns Gea a la lètg per tuts

Il Cussegl dals chantuns è da principi per la lètg per tuts. Tut ils dretgs e las obligaziuns che valivan fin ussa mo per ina lètg tradiziunala, duain era valair per lètgs da medema schlattaina.

Il Cussegl ha ditg il mardi gea a la lètg per tuts. El ha approvà la proposta, ch'ils verd-liberals avevan lantschà avant set onns, cun 22 tar 15 vuschs. Verifitgada n'è quella dentant betg.

Nagina maridaglia actuala

Avrir la box Serrar la box

Oz il di na pon pèrs da la medema schlattaina bain maridar en differents pajais europeics - dentant betg en Svizra. En Svizra exista sulettamain la pussaivladad dad in partenadi registrà. Quel n'ha dentant betg ils medems dretgs e las medemas obligaziuns sco la lètg. Differenzas datti per exempel tar la natiralisaziun. Er l'adopziun communabla dad uffants è en il mument scumandada.

Tge definiziun ha la lètg?

Ch'il Cussegl vegnia insumma a tractar la proposta il mardi n'era betg cler. Ina minoritad, cunzunt commembers da la PPS e la PCD, vulevan sco emprim adattar la definiziun da la lètg en la constituziun. La lètg tradiziunala stettia numnadamain per la lètg tranter um e dunna e stoppia ord quest motiv vegnir adattada hai giu num ord las retschas da las duas partidas. Per pèrs da la medema schlattaina na possian ins betg simplamain surprender il terminus actual.

Che la legislativa e betg ina dretgira definescha la constituziun sa sgrifla cun la separaziun da las pussanzas.
Autur: Stefan Engler Cusseglier dals chantuns PCD

Nunsenn hai giu num ord retschas da la PS e la Verda. L'artitgel dispitaivel è numnadamain il suandant: «Il dretg sin lètg e famiglia è garantì» e quel saja clers avunda:

Tge vulais Vus anc adattar? Igl è tut cler.
Autur: Lisa Mazzone Cusseglier dals Chantuns Verds

La muntada da la lètg saja sa midada. Ord quest motiv na stoppian ins er betg adattar la constituziun. A la fin ha il Cussegl dals chantuns decis da refusar la proposta da renviada. Quai dentant be cnap cun 22 tar 20 vuschs.

Differenzas tar la donaziun da sem

La proposta n'è dentant anc betg verifitgada. I dat numnadamain differenzas tranter las duas chombras. Il Cussegl dals chantuns è bain da l'avis che pèrs lesbics duain survegnir access a la donaziun da sem. El ha dentant surpiglià ina formulaziun pli differenziada ch'il Cussegl dals chantuns. Ord quest motiv va la proposta anc ina giada enavos al la chombra gronda per eliminar las differenzas.

Ord l'archiv dal Minisguard:

video
Lètg per tuts
Or da Minisguard dals 09.11.2019.
laschar ir. Durada: 2 minutas 44 Secundas.

RTR novitads 14:00

Artitgels legids il pli savens