Siglir tar il cuntegn

Header

Chasas veglias durant l'enviern
Legenda: Keystone
cuntegn

Cussegl dals chantuns Limita da CO2 per bajetgs

Il Cussegl dals chantuns vul introducir a partir dal 2023 ina limita da CO2 per bajetgs.

Questa limita per bajetgs pli vegls duai valair sch'il stgaudament sto vegnir remplazzà. Per blers bajetgs munta quai in scumond da bajegiar pignas d'ieli. Ils possessurs da chasas pon uschia numnadamain mo pli bajegiar ina pigna d'ieli sche la chasa è isolada bain avunda.

Decisiun dal Cussegl dals chantuns è punct da discussiun dispitaivel. Ils aderents argumentescha ch'i dettia entras questa decisiun dapli segirezza tar la planisaziun. Ils adversaris percunter èn da l'avis ch'il focus na duai betg mo esser tar il CO2 mabain er tar l'effizienza d'energia.

Reducir emissiuns da CO2 per la mesadad

Ultra da quai ha la chombra pitschna er decis che las emissiuns da CO2 duain vegnir reducidas per la mesadad fin l'onn 2030. Quai en cumparaziun cun l'onn 1990. 60% da las mesiras duain vegnir implementadas en Svizra sezza. Gia il december da l'onn passà èn questas mesiras stadas en discussiun tar la chombra pitschna. Oz debattescha il Cussegl dals chantuns vinavant davart la lescha da CO2.

RR novitads 21:00