La Confederaziun duai pajar stgars ina mesa milliarda dapli per reducir las premias da las cassas da malsauns. Da quest avis è la cumissiun da sanadad dal Cussegl dals chantuns. Ella stat cunquai dentant sin il frain e na vul betg engrondir la pussaivladad da reducziuns uschè fitg sco la cumissiun dal Cussegl naziunal. Er il Cussegl federal è da quest avis
Il Cussegl naziunal aveva decidì la stad dad investir fin a 2 milliardas dapli per pudair reducir las premias. Quai en connex cun la cuntraproposta indirecta a l'iniziativa da la PS che vul ina reducziun da las premias.
La cumissiun dal Cussegl dals chantuns sustegna da principi ina cuntraproposta, vul dentant restar tar la varianta pli bunmartgada da la Confederaziun.
