Siglir tar il cuntegn

Header

video
Viola Amherd davart las sfidas da la rumida a Mitholz
Or da News-Clip dals 16.11.2022.
laschar ir. Durada: 49 Secundas.
cuntegn

Cussegl Federal 2,6 milliardas francs per rumida da magasin da muniziun Mitholz

Il Cussegl federal ha decis en sia sesida davart in project per rumir il magasin da muniziun crudà ensemen. El ha deliberà in credit d'obligaziun per la rumida da 2,59 milliardas. Il parlament sto anc approvar quest credit.

L'istorgia da Mitholz

Il deposit gigantic da muniziun Mitholz è vegnì sutterrà l'onn 1947 tar in'explosiun. Nov persunas eran mortas quella giada. Il magasin n'è suenter betg vegnì rumì, el è dentant vegnì surveglià periodicamain. L'onn 2018 èn experts vegnids a la conclusiun ch'il magasin saja in privel pli grond che pensà fin la. Per quai ha il Cussegl federal decis en il 2020 ch'il magazin duai vegnir rumì. Tenor calculaziuns èn circa 3'500 tonnas muniziun e pliras tschient tonnas material explosiv sut terra.

Project da 25 onns

Cun la rumida vul il Cussegl federal porscher a la populaziun da Mitholz ina basa per in avegnir segir ed attractiv, scriva el en in a communicaziun. La decisiun da rumir il magasin na saja betg stada simpla, ha ditg la ministra da la defensiun Viola Amherd. Ella haja in gronda influenza sin la vita dals abitants e las abitantas. Tenor ina valitaziun dal Departament federal da defensiun ston 50 persunas bandunar lur chasas per var 10 onns.

Il project da duai durar radund 25 onns, il credit da radund 2,6 milliardas francs duai vegnir pajà durant quel temp en dus transchas.

  • In'emprima transcha da circa 1,09 milliardas francs per las preparaziuns
  • Ina segunda transcha da 740 milliuns per remover la muniziun, restaurar il terren ed il return da la populaziun
  • 760 milliuns èn budgetads per la chareschia

Las emprimas persunas duain bandunar lur chasas il 2025, las autras en il 2030 cur che la rumida duai cumenzar.

RTR novitads 15:00

Artitgels legids il pli savens