Siglir tar il cuntegn

Header

Dasper Simonetta Sommaruga sa han era ils Cussegliers federals Ueli Maurer e Alain Berset inscuntrads cun la delegaziun tessinaisa.
Legenda: Dasper Simonetta Sommaruga èn era ils cussegliers federals Ueli Maurer ed Alain Berset s'inscuntrads cun la delegaziun tessinaisa. Keystone
cuntegn

Cussegl federal Cunfin cun l'Italia na vegn en il mument betg serrà

En Svizra è il chantun Tessin cun 128 cas confermads actualmain pertutgà il pli ferm dal coronavirus. Cumpareglià cun tut ils ulteriurs chantuns ha il chantun dal sid uschia registrà ils pli blers cas. Sin giavisch da la delegaziun tessinaisa en la Chasa federala hai dà la mesemna suentermezdi in inscunter cun il minister da sanadad Alain Berset, il cusseglier federal Ueli Maurer e la presidenta da la Confederaziun Simonetta Sommaruga. Ins haja tadlà e mess sin maisa la situaziun dal Tessin.

Dentant, auter che divers deputads dal Tessin, na vul il Cussegl federal per il mument betg serrar ils cunfins cun l'Italia. Ins adatteschia las mesiras adina a la situaziun, ha ditg Simonetta Sommaruga. Sch'igl avess da dar ulteriuras mesiras, vegnia il Cussegl federal suenter ina analisa da la situaziun a far adattaziuns. Il venderdi, a chaschun da la sesida emnila, vegnia il Cussegl federal ad infurmar davart la situaziun dal coronavirus en Svizra, ha ditg Sommaruga.

Ina mesira han ins gia fatg oz als cunfins tessinais cun l’Italia. La Svizra ha serrà 9 passagis da cunfin pli pitschens. Uschia possian ins sa concentrar sin ils gronds passagis.

Artitgels legids il pli savens

Scrollar a sanestra Scrollar a dretga