Per gidar a mantegnair razzas d'animals da niz indigenas periclitadas conceda il Cussegl federal ulteriurs daners.
El auza il credit da plantas e da la tratga d'animals en il budget 2023 per stgars quatter milliuns francs. L'augment dal credit sa basa sin ina decisiun dal parlament. Ils blers da quests daners prend’il Cussegl federal or dal credit per mesiras da tratga.
Sco razzas svizras periclitadas numna l'Uffizi federal d'agricultura tranter auter la razza da vatga grischa grischuna e las nursas engiadinaisas e sursilvanas.
