Siglir tar il cuntegn

Header

cuntegn

Cussegl federal decida Ovras idraulicas ston puspè laschar dapli aua per ils peschs

Il provediment d'energia en Svizra è en il mument stabil, tenor il giudizi dal Cussegl federal. Perquai abolescha el uss pli baud che prevesì in'ordinaziun per las ovras idraulicas. I va per la quantitad d'aua minimala che las ovras ston laschar per ils flums e l'ecosistem.

Bun per las migraziuns da peschs

Gia la fin dal mars ston las ovras puspè laschar cular quantitads pli autas. Planisà eri atgnamain fin l'avrigl. Cun la decisiun duain litschalas e nas avair meglras cundiziuns per lur viadis per fregar, damai ch'els han uschia pli bler aua en ils flums.

La decisiun pertutga be 45 da las radund 1'500 ovras idraulicas en Svizra. Quellas han normalmain in'obligaziun speziala da laschar dapli aua en ils flums ch'il minimum tenor la lescha. L'ordinaziun dal Cussegl federal aveva abolì quai per che las 45 ovras possian producir dapli energia l'enviern.

audio
Per tadlar: las novitads da las 15:00
ord RTR Audio dals 17.03.2023.
laschar ir. Durada: 2 minutas 59 Secundas.

RTR novitads 14:00

Artitgels legids il pli savens