Siglir tar il cuntegn

Header

cuntegn

Cussegl federal I duai dar en il futur dapli traffic da rauba sin ils binaris

En Svizra duai la rauba da martganzia vegnir transportada dapli sin ils binari che sin las vias. Er ils ports al Rain duain vegnir rinforzads.

Il Cussegl federal propona perquai in pachet da refurma che custa mintg'onn 155 milliuns francs. El ha relaschà la missiva davart la revisiun totala da la lescha dal transport da rauba. La finamira è da reducir il dumber dals viadis cun camiuns e da far vinavant cun la digitalisaziun dal traffic da viafier. Ils custs supplementars duain vegnir cumpensads cumplettamain uschia ch'il preventiv da la Confederaziun na vegn betg strapatschà supplementarmain.

Dapli effizienza en l'entir sistem da traffic da rauba

Cun il sustegn pli ferm da la Confederaziun duai l'entir sistem da traffic da rauba vegnir pli effizient e la segirtad dal provediment en tut las regiuns duai vegnir garantida, scriva il Cussegl federal. Quest concept saja fruntà en la consultaziun sin ureglias avertas. Ina maioritad da las partidas, federaziuns e chantuns sajan s'exprimids persuenter.

audio
Per tadlar: las novitads da las 15:00
ord RTR Audio dals 11.01.2024.
laschar ir. Durada: 2 minutas 35 Secundas.

RTR novitads 15:00

Artitgels legids il pli savens