Siglir tar il cuntegn

Header

cuntegn

Cussegl federal Intervenziun sche fatschentas da IT derivan ord dictaturas

Il Cussegl federal ha decidì en sia seduta emnila d'en futur vulair savair intervegnir sche fatschentas en il sectur dad infrastructura digitala derivian da pajais problematics. Pertutga saja principalmain il schlargiament da la rait da telefonia 5G. La regenza dal pajais ha incumbensà venderdi il departament da communicaziun responsabel Uvek da preschentar in sboz per la revisiun da la lescha da telecommunicaziun. Ditg curt veglian ins augmentar la segirtad dals implants da telecommunicaziun e da las infrastructuras digitalas en Svizra.

Concret vul quai dir: Derivia in furnitur dal sectur infrastructura digitala ord in pajais cun per exempel ina dictatura, sche vul il Cussegl federal savair intervegnir e scumandar quai.

Uschia vul il Cussegl federal augmentar la segirtad da cyber en Svizra.

audio
Per tadlar: las novitads da las 16:00
ord RTR Audio dals 15.12.2023.
laschar ir. Durada: 2 minutas 6 Secundas.

Novitads 15:00

Artitgels legids il pli savens