Il Cussegl federal vul reducir il dumber da persunas che fa servetsch civil. Ina proposta correspundenta ha el tramess en consultaziun. Uschia duai vegnir resguardada la premissa da la Constituziun, ch'i na dat betg la pussaivladad d'eleger tranter servetsch militar e civil. La proposta cuntegna 6 mesiras:
- Per persunas ch'han gia finì la scola da recruts ston els almain prestar 150 dis en il servetsch civil.
- Era per sutuffiziers ed uffiziers da l'armada duai valair il factur 1,5 tar la calculaziun dals dis da servetsch per servetsch civil
- Ins na duai betg dastgar far in servetsch che dovra in studi finì da medischina.
- Persunas che n'han nagins dis da servetsch pli na duain betg dastgar midar en il servetsch civil, quai per evitar ch'els pon mitschar da l'obligatori da tir.
- I duai da nov dar in obligatori per servetsch mintg'onn a partir da la lubientscha da far servetsch civil.
- L'uschenumnà «servetsch lung» duain vegnir fatgs il pli tard en l'onn suenter survegnir la lubientscha da far servetsch civil, sche la dumonda è vegnida fatga durant la scola da recruta.
La consultaziun va enfin ils 11 da zercladur 2024.
