Plirs vitgs grischuns èn da nov sin la glista dals objects da muntada naziunala. Il Cussegl federal ha actualisà l'Inventari federal dals lieus svizzers d'impurtanza naziunala degns da protecziun (ISOS) per ils chantuns Genevra e Grischun. Sco la Confederaziun scriva, èn Casti, Mon, Mulegns e Miralago ils lieus grischuns ch'èn da nov sin la glista. Stritgà ha il Cussegl federal ils lieus Brinzauls, Prada, Stierva e San Carlo. En il Grischun cuntinuescha l'actualisaziun da quest inventari federal fertant che l'actualisaziun a Genevra è terminada.
L'ISOS
L'ISOS sa basescha sin la lescha federala da la protecziun da la natira e da la patria. La glista vegn valitada ed actualisada regularmain. Ella gida a las autoritads d'enconuscher la valita da cultura da construcziun e proteger quella. Il Cussegl gederal decida tge objects che vegnan aschuntads, modifitgads u stritgads da la glista suenter avair consultà ils chantuns. Tar lur planisaziuns èn chantuns e vischnancas obligiads da resguartar l'ISOS.
