Il Cussegl federal n'ha betg approvà ina segunda versiun per las tariffas cun il num «Tardoc». I dovria anc optimaziuns, uschia.
Oriundamain era previs d'introducir questas tariffas unifitgadas quest onn. Cunquai ch'il Cussegl federal pretenda optimaziuns, duain ils partenaris involvids uss preschentar ina nova proposta enfin la fin da l'onn 2023.
Cler è ch'ils custs da sanadad creschan vinavant e probabel era las premias per las cassas da malsauns. Cun Tardoc vulan ins sbassar ils custs – i va per 12 milliardas francs ch'i vala da reparter da nov tranter ils medis.
Segunda refusa
Gia avant in onn aveva il Cussegl federal refusà d'acceptar ina prima proposta elavurada da plirs partenaris.
Il minister da sanadad resta dentant optimistic: «Quai n'è betg la fin da Tardoc». Cun prender dapli temp saja pussaivel che la branscha vegnia adina conclusiun. Las persunas involvidas mussian bler engaschi e perquai saja el persvad ch'i saja pussaivel da realisar las optimaziuns aifer ils proxims mais.
