Il Cussegl federal va d'accord da prolungar il program en favur da la tgira d'uffants cumplementara a la famiglia. Il program d'impuls va a fin questa fin d'onn. La prolungaziun fin l’onn 2026 duai esser ina schliaziun transitorica fin che la nova regulaziun è pronta.
Different vesan il Cussegl federal e la cumissiun responsabla quants daners che duain star a disposiziun per la fasa transitorica.
Passa 76'000 plazzas
Il program d’impuls per stgaffir plazzas da tgira ordaifer la famiglia per uffants datti dapi l’onn 2003. El è vegnì prolungà pliras giadas, l’ultima giada enfin la fin da l’onn 2024. Fin la fin da l’onn 2023 ha el gidà a stgaffir passa 76'000 novas plazzas da tgira en canortas sco er en instituziuns per la tgira d’uffants sper la scola.
audio
Per tadlar: curt e cumpact
ord RTR Audio dals 24.04.2024.
laschar ir. Durada: 1 minuta 20 Secundas.
