Er sche la PLD perda ha ella anc adina ils pli blers sezs (21) en il parlament tessinais. Sin quella suonda l'Allianza dal Center (16 sezs), pervia dal schlet resultat da la Lega, avant era lezza segund gronda partida. Quella perda 4 sezs ed ha anc 14.
Partidas a la sanestra n'han betg gudagnà
PS (12) perda dus sez e la Partida verda (5) perda in sez. La PS ha survegnì concurrenza d'Amalia Mirante, ch'ha prendì davent a la PS vuschs cun sia nova partida «Avanti con Ticino & Lavore». Ensemen cun «HelvEthica Ticino» datti cunquai duas novas partidas en il parlament.
L'anteriura cussegliera dals chantuns Marina Carobbio po dentant tegnair il plaz da la PS en la regenza chantunala. Sche ses sez en il parlament svizzer resta liber fin l'atun, u sch'i dat in'ulteriura elecziun, vegn decidì gievgia.
