Bittar rument giun plaun e betg dismetter pudess vegnir char en il futur. Il Cussegl naziunal vul chastis d'enfin 300 francs, per exempel sch'ins bitta davent ina cigaretta. El vul perquai adattar la lescha d'ambient.
En singuls chantuns datti gia tals chastis per littering. Il Cussegl naziunal vul uss ina regla naziunala. Sco proxim sa fatschenta il Cussegl dals chantuns cun la fatschenta.
Reducir, reutilisar, reciclar
Cun midadas en la lescha per la protecziun da l’ambient vul il Cussegl naziunal rinforzar l’economia sco er il recicladi da rument. En il center statti d’evitar e reutilisar rument. Il Cussegl federal duai pudair ordinar pretensiuns per la durada da vita d’in product. Per exempel quant ditg ch'in product haja da tegnair u quant simpel ch'el è da reparar.
