Il Cussegl naziunal pretenda da tuttas partidas da conflict sin quest mund in armistizi global. Guerras e conflicts regiunals engrevgeschian la protecziun da carstgauns en connex cun il coronavirus, hai num or da la Chombra gronda.
L’appel è vegnì approvà cun 129 cunter 44 vuschs. Sulettamain la Partida populara svizra ha refusà la pretensiun. Suenter ils bels pleds suondia er bainbaud daners che vegnissan duvrads en Svizra, ha argumentà la partida.