Il Cussegl naziunal refusa da schluccar l'obligatori d'annunziar plazzas libras en favur da manaschis cun lavur da stagiun. La Chombra gronda ha refusà cun 145 cunter 31 vuschs ina moziun correspundenta dal cusseglier dals chantuns vallesan Beat Rieder. La fatschenta è uschia giud maisa.
Rieder aveva argumentà che l'obligatori muntia lavur birocratica per il giat e betg necessaria, per ils manaschis. La Svizra ha introducì l'obligatori d'annunziar plazzas avant radund trais onns per realisar l'iniziativa cunter l'immigraziun da massa da la PPS.
Ord l'archiv da la Tagesschau:
video
Seco tira bilantscha positiva da l'obligatori
Or da Tagesschau dals 01.11.2019.
laschar ir. Durada: 4 minutas 31 Secundas.
