Tenor la chombra gronda èsi necessari da cumprar per tut ils schuldads e tut las schuldadas vestas da protecziun. En tut sa tracti da 115'000 vestas da protecziun. Cun quai dessi per mintgin dals 100'000 schuldads e schuldadas ina vesta e era anc da reserva.
Per il critichers èn quai massa bleras vestas. Per exempel na fetschia quai tenor els betg da basegn d'avair vestas per cuschinunzs u logisticras – la mesadad da las vestas tanschess pia tenor els.
Cussegl dal chantun cunter tantas giaccas da protecziun
La chombra pitschna ha vulì mo per la mesadad talas vestas ed uschia spargnar 100 milliuns francs. Er il Cussegl federal dumonda il parlament d'equipar l'entira armada. La vestgadira da protecziun per bunamain 100'000 schuldadas e schuldads custa 199 milliuns francs.
Causa la discrepanza tranter las duas chombras va la missiva da l’armada puspè enavos tar il Cussegl dals chantuns.
RR novitads 12:00
