Siglir tar il cuntegn

Header

cuntegn

Cussegl naziunal Via libra per Swiss-Covid-App

Bainbaud po l'applicaziun d'avertiment da corona en Svizra vegnir duvrada regularmain. Suenter il Cussegl dals chantuns ha er il Cussegl naziunal approvà la basa legala per l'app. Quella duai vegnir en acziun la fin da l'emna proxima, suenter las votaziuns finalas da la sessiun.

Betg surprais ha ch'i haja dà paucas discussiuns fundamentalas davart l'app en il parlament. A l'ultima sessiun extraordinaria aveva il parlament la finala sez pretendì ina basa legala per lantschar l'app.

Da pudair las vias d'infecziun saja uschè impurtant, perquai ch'in vaccin vegn anc betg ad esser pront uschè svelt cunter il virus, ha ditg il cusseglier naziunal Benjamin Roduit (PCD/VS) en il num da la cumissiun che ha discussiunà ordavant la fatschenta.

La Swiss-Covid-App è vegnida sviluppada da la Confederaziun e da las duas scolas autas politecnicas federalas. Ella duai gidar da persequitar chadainas d'infecziun ed er avertir persunas che han gì contact cun persunas infectadas.

RTR novitads 20:00

Artitgels legids il pli savens

Ir a sanester Ir a dretg