Siglir tar il cuntegn

Header

Navigaziun

Agid en dmura d'attempads.
Legenda: Tenor la HSG duai mintgin contribuir a reducir custs – u cun tgirar sez a tgi che dovra tgira a lunga durada u cun pajar sez in'assicuranza nova. Keystone
cuntegn

Custs da tgira a lunga durada Senza refurmas vegni char – en 30 onns 30 milliardas

La tgira da lunga durada custa adina dapli. Gidar pudessan tranter auter la tgira prestada tras parents u la tgira cun sustegn da roboters. Quai di in studi da l'Universitad da Son Gagl HSG.

Custs da 15 milliardas sin 30 milliardas

Ozendi custa la tgira sur pli lung temp pli che 15 milliardas francs. Tenor il studi da l’Institut per l'economia da segiranzas vegnan quels custs a sa dublegiar enfin en 30 onns. Quai rapporta l’agentura da novitads SDA.

Ils experts da la HSG èn persvadids che la finanziaziun da la tgira sur pli lung temps saja periclitada fitg sch’i na vegnan betg fatgas refurmas.

Guardar sez – e pajar sez

Sper dapli tgira tras parents e cun agid da roboters recumanda il studi novas segiradas supplementaras. Quellas duain betg vegnir finanziadas cun il model solidaric, ma mintgin duai guardar sez quant ch’el saja pront d’impunder.

RR novitads 17:00