La polizia avertescha dad e-mails d'extorcaders. Cybercriminals tramettian il mument da quests e-mails en emprima lingia ad interpresas. Ils mails èn colliads cun la smanatscha da plazzar ina bumba en l'immobiglia sch'i na vegnia betg pajà il daner da liberaziun, uschia la polizia.
Ils mails sajan scrits per englais e tudestg. Ils fraudaders pretendian 20'000 dollars americans en bitcoin. Survegnì indizis sin tals e-mails han las polizias da Schaffusa e Basilea-Campagna.