Tenor in rapport dals Uffizis federals da fatgs veterinaris e da sanadad èsi gartegia da reducir il diever d'antibiotica. Ils onns 2019 fin 2021 ha era la pandemia da Covid-19 sustegnì il trend. Las mascras e la reducziun da contacts n'han betg mo gidà cunter Covid-19. Era autras malsognas pudevan sa derasar pli pauc. En quels onns è il diever sa reducì per 19%.
Impedir resistenza da bacterias
Antibiotica è in medicament fitg effectiv cunter tuttas infecziuns cun bacterias. Però san bacterias vegnir resistentas sche ellas èn exponidas ditg ad antibiotica. Pia s'endisan las bacterias. Quai schabegià cunzunt en ospitals nua ch'ins dovra bler antibiotica.
Tscherts antibiotics èn critics per il cumbat cunter bacterias. Sche bacterias èn ina giada resistentas cunter quels, na gida nagut pli. Perquai èni quasi antibiotics d'urgenza.
La Svizra fa quai onn l'emprima giada mo pli diever en 36% dals cas da quels antibiotics. Ella cuntanscha cun quai la finamira da l'Organisaziun mundiala da sanadad (WHO) davart il cumbat cunter resistenzas.
Antibiotica è era derasà tar la medischina veterinaria. Bunamain 70% da tut il antibiotic vegn duvrà per vatgas, mo stgars 1 % per giaglinom. Quai dentant er pervia che gronds animals dovran ina pli gronda quantitad.