La fin mars aveva Daniel Koch surdà la direcziun da la partiziun per malsognas contagiusas a ses successur Stefan Kuster. Atgnamain avess el cumenzà l'entschatta avrigl sia pensiun. Ma Koch è restà: Sco delegà da l'Uffizi federal da sanadad (BAG) per Covid-19 ha Koch vinavant sustegnì il Cussegl federal. El è restà inqual emna pli ditg – e sia fatscha vegn probablamain a restar a baininqual e baininqualina en memoria.
Adina sin ils chaltgogns dal mister coronavirus èn betg be ils schurnalistas e schurnalists, mabain era fotografas e fotografs stads:
-
Bild 1 von 14. Daniel Koch, Patrick Mathys, Isabella Eckerle ed Yann Hulmann durant ina conferenza da medias a Berna. Ils 28 da schaner na valeva la regla da tegnair distanza anc betg. Enfin lura eran passa 100 persunas mortas pervi dal virus en la China e passa 4'000 infectadas. Bildquelle: Keystone.
-
Bild 2 von 14. Schurnalistas e schurnalists sa stentan da survegnir Daniel Koch avant il microfon. Ils 25 da favrer è l'emprim cas cun coronavirus vegnì enconuschent. Bildquelle: Keystone.
-
Bild 3 von 14. Durant la conferenza da medias ils 13 da mars – quel di ch'il Cussegl federal ha annunzià las mesiras rigurusas. Sa chapescha da la partida è er Daniel Koch. Bildquelle: Keystone.
-
Bild 4 von 14. Avant infurmar davart l'ultim svilup da la pandemia, studegia Koch anc ina giada ils documents (19 da mars 2020). Bildquelle: Keystone.
-
Bild 5 von 14. Dar pled e fatg davart il coronavirus, quai è stà ses job ils ultims mais, sco qua ils 25 da mars. Bildquelle: Keystone.
-
Bild 6 von 14. A la conferenza da pressa dals 30 da mars è Daniel Koch vegnì cun in plaster sin il frunt. Para era el dà cunter insanua (30 da mars 2020). Bildquelle: Keystone.
-
Bild 7 von 14. Er la visita en Grischun n'ha il delegà per il coronavirus betg manchentà. Cusseglier federal Alain Berset, il delegà Daniel Koch ed ils Cussegliers guvernativs Christian Rathgeb, Marcus Caduff e Peter Peyer èn s'inscuntrads per discurrer davart la crisa actuala (ils 20 d'avrigl 2020). Bildquelle: Keystone.
-
Bild 8 von 14. Il viadi da Berna en Grischun ha Daniel Koch fatg ensemen cun Alain Berset en in Super Puma da l'armada svizra. Bildquelle: Keystone.
-
Bild 9 von 14. Tgi sa tge che va qua enturn en il chau da Daniel Koch? (27 d'avrigl). Bildquelle: Keystone.
-
Bild 10 von 14. ... u qua? Bildquelle: Keystone.
-
Bild 11 von 14. «Lavar ils mauns, lavar ils mauns ed anc ina giada lavar ils mauns» – quai ha Daniel Koch ditg numerusas giadas. Ed er fatg sez. Bildquelle: Keystone.
-
Bild 12 von 14. E gist anc ina giada (11 da matg). Bildquelle: Keystone.
-
Bild 13 von 14. Magari dovran er Koch e Berset in café (12 da matg 2020, a Friburg). Bildquelle: Keystone.
-
Bild 14 von 14. Suenter la conferenza da medias ils 27 da matg banduna Daniel Koch il center da medias. La fin dal mais va el definitivamain en pensiun. Bildquelle: Keystone.
Mesemna, ils 27 da matg, ha Cusseglier federal Alain Berset engrazià uffizialmain a Daniel Koch per ses engaschi. Sia savida scientifica, ses dun d'explicar simpel e sia quietezza e la finala betg il davos er ses umor hajan gidà fitg durant quest temp da crisa.
Daniel Koch saja stà da la partida a tuttas conferenzas da pressa dal Cussegl federal, plinavant a 21 rundas d'experts e quai mintga giada cun ina autra cravatta, remartga Alain Berset.
Sinaquai ha er Daniel Koch engrazià a ses team ed a tuts experts ch'hajan gidà da dar dumogn a la crisa. La conferenza da pressa dals 27 da matg ha el la finala finì cun ils pleds:
Igl è stà ina gronda onur da dastgar servir al Cussegl federal.