Siglir tar il cuntegn

Header

cuntegn

Daniel Koch, Uffizi da sanadad «Betg las mesiras fan la differenza, ma il cumportament»

L'essenzial da la conferenza da medias:

  • Il mument èn 6'113 persunas en Svizra infectadas cun il coronavirus. Mortas èn tenor las pli novas cifras 56 persunas.
  • Sche la glieud sa tegna vi da las mesiras, quinta Daniel Koch che la curva d'infectads vegnia il pli baud l'emna proxima pli planiva. Il dumber d'infectads vegniss lura a crescher main svelt.
  • La Confederaziun auza ils dis da servetsch civil. Als chantuns stattan a disposiziun uss 850'000 dis da servetsch.
  • 16'000 persunas n'han betg pudì entrar en Svizra pervia dals cunfins serrads.

La proxima orientaziun davart il coronavirus prevesa la Confederaziun per il proxim glindesdi.

Tut la conferenza da pressa da la Confederaziun

Il pir è la situaziun tenor Daniel Koch da l'Uffizi federal da sanadad BAG en il Tessin. Sin dumonda d'in schurnalist agiunta Daniel Koch: En il Tessin dettia adina dapli pazients en ils ospitals. Anc sajan là avant maun avunda letgs. Daniel Koch sa basa sin infurmaziuns dal miedi chantunal dal Tessin.

Betg mo las mesiras èn relevantas

Il manader per malsognas transmissiblas dal BAG quinta, che la curva d'infectads vegn il pli baud en in'emna pli planiva. Il dumber d'infectads vegnia era lur a crescher, dentant pli plaun.

Video
Daniel Koch davart las pli novas cifras
Or da News-Clip dals 21.03.2020.
laschar ir

Adina pli paucs cas novs: quai capitia be sche la populaziun sa tegnia vi da las mesiras dal Cussegl federal. «I na dependa betg da las mesiras, ma co la glieud sa deporta», ha ditg Daniel Koch.

Recumandaziun dal Cussegl federal

Textbox aufklappenTextbox zuklappen

Restai a chasa, oravant tut sche Vus essas malsauna resp. malsaun ubain sche vus avais 65 onns e dapli. Danor

  • sche Vus stuais ir a la lavur e sch’i n’è betg pussaivel da far home-office
  • sche Vus stuais ir tar la media resp. tar il medi u en l’apoteca
  • sche Vus stuais ir a far cumpras u sche Vus stuais gidar insatgi

Il Cussegl federal e la Svizra quinta cun Vus!

Dapli dis da servetsch civil

Il mument èn passa 4'100 persunas dal servetsch civil en acziun. Tenor Christoph Hartmann, manader da l'Uffizi federal per servetsch civil, vulan els augmentar questa cifra. A partir dad uss stettian a disposiziun als chantuns 850'000 dis da servetsch. Il manader da l'uffizi fa attent che quai na veglia betg dir, che numerusas persunas stoppian ir il proxim temp en servetsch civil.

Las persunas en servetsch civil surprendan funcziuns tar l'alimentaziun, per transports u controllas d'entradas.

Stand actual tar l'armada

Actualmain sajan var 3'000 schuldadas e schuldads en servetsch. Vinavant evaluescha l'armada, tge curs da repetiziun ch'els pon spustar. Curs che na fan betg basegn, pia da schuldads senza scolaziun medicinala) – vul l'armada sche pussaivel spustar.

Er en l'armada datti intgins cas dal coronavirus. Tenor Raynald Droz, schef dal stab commando operaziuns da l'armada, dettia 45 infecziuns confermadas. 657 schuldadas e schuldads sajan en quarantina.

16'000 refusads al cunfin

Tenor il directur da l'Administraziun federala da duana Christian Bock, è il traffic individual als cunfins svizzers sa reducì per 77%. 16'000 persunas n'han betg pudì entrar. Il traffic da rauba saja anc adina normal.

Tenor Christian Bock hajan intginas persunas dentant prendì davent u perfin destruì bloccadas. A partir dal glindesdi ston culpants quintar cun in chasti.

Scumonda da sortida a Uri n'è betg valaivel

Il chantun Uri aveva decidì la gievgia, che persunas sur 65 onns stoppian star a chasa. Quai aveva decidì il stab directiv dal chantun. Tenor Martin Dumermuth, il directur da l'Uffizi federal da giustia, na saja questa decisiun betg confurma.

Decisiuns dal venderdi

RTR novitads 15:00

Artitgels legì il pli savens

Nach links scrollen Nach rechts scrollen