27% dals emploiads en Svizra n’èn betg cuntents cun la paja. Dentant midassan ils blers pir la plazza da lavur tar in augment da paja dad almain 11%. Quai demussa ina retschertga dal portal da plazzas da lavur «Indeed».
Pli impurtant pari dad esser da vegnir remunerà a moda gista cumpareglià cun ils auters emploiads. Ina structura da paja betg unitara mainia a dissonanzas tranter ils collavuraturs, concluda il portal. Dasper la paja saja er impurtant ch’ils patruns porschian perspectivas e pussaivladads da sa sviluppar.
Fatg part a la retschertga han radund 1'000 persunas.
