Siglir tar il cuntegn

Header

cuntegn

Dapli homeoffice Svizzers sa movan pli pauc

La mobilitad en Svizra è sa reducida marcantamain dapi mez da l’emna passada – pia dapi che las mesiras pli severas cunter il coronavirus èn idas en vigur ils 29 d'october 2020. Quai rapporta la «SonntagsZeitung». La gasetta sa referescha a datas da mobilitad da l’interpresa «Intervista». Tenor quai han Svizras e Svizzers en media anc fatg radund 20 kilometers per di mez october – il venderdi passà be pli 14 kilometers.

La mobilitad saja sa reducida marcantamain, suenter ch’occurrenzas cun dapli che 50 persunas sajan vegnidas scumandadas e clubs e discos vegnids serrads. Experts speran che questas mesiras hajan bainprest in’influenza sin il dumber da novas infecziuns.

Uraris da viafier restan

Malgrà la recumandaziun dal Cussegl federal da far homeoffice, na planisescha la SBB betg da puspè reducir la purschida dal traffic regiunal ed a distanza. Quai rapporta il «SonntagBlick».

Ord l'archiv

video
Mobilitad senza precauziun
Or da Tagesschau dals 27.10.2020.
laschar ir

RTR novitads 08:00

Artitgels legids il pli savens

Scrollar a sanestra Scrollar a dretga