Il dumber d'incidents d'extremissem da sanestra è anc adina bler pli aut che quel da la scena da dretga. Il 2018 ha il servetsch d'infurmaziun registrà 226 eveniments d'extremists da sanestra, 13% dapli che l'onn avant.
Tenor il rapport dal servetsch d'infurmaziun è però las scena dretga en ina fasa da partenza. Pliras gruppaziuns curateschan avertamain paginas d'internet, ina gruppa en il Vad haja avert in local d'uniun. Eveniments d'extremissem da dretga hai dà l'onn passà 53, trais giadas dapli ch'il 2017. Nagins da quels eveniments èn stads violents.
Amherd ponderescha midadas
Il svilup da l'extremissem saja ordvart critic, ha ditg la cussegliera federala Viola Amherd a las medias. I saja da sa dumandar, sch'i dovria instruments pli ferms. Amherd trai en consideraziun da pudair tadlar giu extremists violents. Tadlar giu discurs al telefon e penetrar en computers dastga il servetsch d'infurmaziun pir dapi il settember 2017. Questas mesiras (che dovran in permis) na dastga el dentant betg applitgar en la sparta extremissem violent.
RR novitad 11:00
