Siglir tar il cuntegn

Header

video
Ferm urizi ad Einsiedeln SZ
Or da News-Clip dals 26.07.2021.
laschar ir
cuntegn

Daratgas ed urizis Uffant mora tar malauras

Era ier hai puspè dà ferms urizis en Svizra. Cunzunt pertutgadas èn stadas la Svizra Orientala e la Svizra Centrala. A Flums en il chantun Son Gagl èn quatter persunas vegnidas blessadas tras roma e plantas, tranter auter ina dunna da 30 onns e ses uffant pitschen. Tenor infurmaziuns da la polizia han els stuì vegnir transportads cun grevas blessuras en l’ospital. Sco la Polizia chantunala scriva, saja il pop entant mort en consequenza da sias grevas blessuras.

Puspè la Svizra Centrala

Plinavant hai dà en plirs lieus granella, inundaziuns e pitschens sbuvaditschs. Be il chantun Sviz ha dumbrà passa 200 cloms d’urgenza. Malgrà la blera plievgia n’è il privel d’auas grondas però betg creschì, ha communitgà l’Uffizi federal d’ambient.

En il chantun da Soloturn haja dà 250 cloms ed er en il chantun da Lucerna sajan vias e tschalers vegnids inundads.

RTR novitads 06:00

Artitgels legids il pli savens

Scrollar a sanestra Scrollar a dretga