Siglir tar il cuntegn

Header

Bajetg da la Credit Suisse al Paradeplatz a Turitg.
Legenda: Pervi dal falliment d'in hedgefonds american quinta la Credit Suisse cun ina perdita enorma. Keystone
cuntegn

Debachel cun hedgefonds Credit Suisse quinta cun ina perdita enorma

A la Credit Suisse vegn il debachel cun il hedgefonds Archegos a custar char. La banca gronda quinta l'emprim quartal dal 2021 cun ina perdita avant impostas da 900 milliuns francs. Ultra da quai bandunan la scheffa da risico, Lara Warner, sco er il schef da l'investment banking, Brian Chin, la Credit Suisse ed er ils bonus da la direcziun dal concern vegnan scursanids.

La perdita spetgada cumpiglia ina debitaziun da 4,4 milliardas francs ord il falliment dad in hedgefonds american, ha la banca communitgà il mardi. L'emprim semester dal 2020 aveva la banca anc fatg in gudogn avant impostas dad 1,2 milliardas francs. Per l'entir onn 2020 ha il plus la finala muntà a 3,5 milliardas francs.

Ord l'archiv da Radio SRF:

audio
La Credit Suisse è massivamain sut squitsch
03:02 min, Echo der Zeit dals 01.04.2021.
laschar ir. Durada: 03:02 minutas.

RTR novitads 08:00

Artitgels legids il pli savens

Scrollar a sanestra Scrollar a dretga